吳業坤想同周吉佩組人夫團：可以有唔同味道

歌手吳業坤與周吉佩到沙田馬場為賀年活動擔任表演嘉賓合唱《財神到》，吳業坤扶住以財神Look示人的胡楓出場笑言沾旺氣，受訪時笑言也同樣也要一沾周吉佩旺氣，指對方去年勁賺數百萬，周吉佩連忙否認：「唔好亂噏，冇咁多，幾百蚊就有，冇統計賺幾多，就算賺咗錢都係投資番落去音樂學校，希望龍年能更加旺。」

兩人皆經營音樂學校，屬於競爭對手，他們異口同聲指是良性競爭，大家的學校分別開幕時也有互相邀請對方做嘉賓，並笑言一起振興香港歌唱業，希望百花齊放，香港繁榮，又透露兩人將一齊進行直播，吳業坤更獻計說：「我哋可以合體，整個人夫組合，可以有唔同味道。」吳業坤指日藉太太濱口愛子也有也到馬場，因她曾在日本做過賽馬節目主持，對賽馬有研究，他要問太太攞貼士發新年財。

另外，第9場三班田草1600米，最終係由4歲嘅「加州偟者」勝出。賽後見到余伯兒子余國賢幫梁家拉頭馬，仲見到樂小姐樂易玲同埋兩個囝囝嚟拉頭馬，今日賀歲賽真係好熱鬧！