麥明詩有造人大計　盛勁為抱B預習被狂嗌恭喜

「十優港姐」麥明詩（Louisa）上月底答應飛機師男友盛勁為求婚，有傳將於3月舉行婚禮，趁住過年，佢哋把握婚前最後機會分頭𢭃利是，Louisa於社交網大晒與父母和哥哥嘅合照，網民係咁留言嗌佢做「盛太」，而盛勁為竟然大晒抱住BB嘅相，向鏡頭展露微笑，父愛爆棚，網民大感驚訝不斷留言恭喜佢，雖然Louisa之前受訪講過有生B大計，不過相信呢個BB唔係佢生嘅，有網民就問佢：「係咪預習湊B啊！」佢就回覆話「要呀」，睇嚟佢婚後應該會努力造人啦！