連詩雅升呢人妻首過新年　炮製賀年菜大騷廚藝

連詩雅（Shiga）首度以人妻身份度新年，而自認廚藝了得的她就趁佳節展身手，於社交網上載炮製花膠、鮑魚炆冬菇的賀年菜式。穿上應節紅衫的她捧住「傑作」對鏡頭大講祝福詞：「恭喜發財、新年快樂，身體健康、心想事成，祝大家都食得開開心心。」之後就播出她炮製賀年菜的短片，先將浸軟的花膠剪開，她一副食家口脗說：「剪大塊啲，口感好啲」後，開鑊加油、落葱蒜及調味汁，再放冬菇及鮑魚順時針搞勻，炆熟後上碟，一味住家新年菜便大功告成，見碟中滿載大量花膠，食得相當富貴。有網友留言表示估Shiga唔到：「原來你識整傳統菜。」亦有網民戥其老公陳家樂幸福，因為老婆出得廳堂，入得廚房，一定不怕肚餓。

而Shiga早前接受訪問時，指因住所社區餐廳種類不多，加上想老公食得健康，所以她不用開工時，必定落街市買餸做足陳太本分：「我屋企雪櫃係常滿嘅，好多餸都識整，可以煮到8人菜，不過未到整到九大簋嘅境界。」