鮮娛糧｜羅嘉良拍片分享日本遊　面色有異驚現殘樣

前「TVB一哥」羅嘉良（撈家），日前就在社交網上甫出影片，分享旅行點滴。在影片中，他就到了燒肉店大快朵頤。

有網民發現他的面容明顯變老，多了不少皺紋，最誇張是極大的眼袋及黑眼圈，網民更勸他不要太操勞。不過細心留意，似乎是射燈直射帽子，令到眼袋陰影變得明顯。而且「撈家」邊吃邊笑，非常精神，相信沒問題。

TVB前新聞主播唐海汶，自去年初離巢公司後，轉往擔任財經節目主持。而不時透過社交網同網友分享生活點滴嘅佢，日前更晒出性感晚裝照，只見身穿啡色吊帶緊身連身裙嘅佢，唔止真空上陣騷Body，前凸後翹嘅零贅肉身材，更係煞盡全場。而打側睇，原來佢更蠱惑露咗些少「南半球」，引嚟唔少網友激讚：「冇得輸！」、「正到呢！」

事實上，畢業於香港浸會大學傳理學學士（財經新聞）嘅唐海汶，2019年加入無綫財經台，亦曾主持過唔少財經節目，而佢直到去年離巢無綫後，先由斯文淑女轉變成性感開放嘅形象，美貌與智慧兼備嘅佢，瞬間圈粉無數。