星玄｜狗女蔡卓妍扬言Twins不拆伙　怕孖容祖儿开骚变Talk Show

今日系2月15日农历正月初六，是日最旺生肖系狗，获上司赏识，有望在职场上吐气扬眉。蔡卓妍（阿Sa）就系属狗，出道超过20年，歌影双线发展嘅佢，曾经有唔少代表作，歌坛上同好姐妹锺欣潼（阿娇）组成嘅Twins，早前终于完成红馆演唱会，当中唱出多首经典金曲，仲大玩招牌侧手翻，为唔少歌迷带来满满嘅“回忆杀”。

阿Sa、阿娇早前受访时已表示将会展开巡回演唱会，并希望可于香港开个唱Part 2，但要视乎体能能否应付，而当被问会否与容祖儿合体开骚时，她们更笑称“三个女人一个墟”，深怕届时不是唱歌而是变成“吹水Talk Show”。此外，阿Sa又指Twins于龙年不会“拆伙”，因为要返内地录影综艺节目《因为是朋友呀》第二季。

而喺影坛方面，阿Sa于去年底上映嘅重头电影《金手指》入面，唔单止饰演影帝梁朝伟嘅私人助理，仲同伟仔有激烈吻戏，嚟紧佢又会参与《新警察故事2》、《神探大战2》等两出电影嘅拍摄，阿Sa果然事业旺呀。

至于今日幸运星系天蝎座，幸运指数排第一，事业发展可更上一层楼。天蝎座嘅蒋家旻（Angel），现正拍摄新剧《法证先锋6》同《反黑英雄》，点知上月中，佢患上盲肠炎要去医院打点滴兼留医，仲喺社交网上发长文，同大家讲出留医原因，并向剧组道歉。蒋家旻唔使惊呀，你幸运指数第一，依家要养返好身体，咁先可以再拍多啲好剧畀大家睇。