《甄嬛傳》13年後強攻台灣　492萬人等睇陳建斌駕崩

內地清宮劇《甄嬛傳》於2011年播出，至今已經有13年「歷史」，當年令一眾主演包括內地女星孫儷、蔡少芬、陳建斌、蔣欣等紅勻全中國，估唔到Keep住有新粉絲，原來有台灣電視台嘅網上頻道於2019年開始以Live形式重播，重新喺台灣帶起「翻煲」風潮，今年第3年重播更比前2年更轟動！

據台媒稱，當中經典「滴血認親」一幕瞬間飆到3.8萬人睇，華妃哭喊「皇上你害得世蘭好苦呀」就有3.3萬人收看，果郡王換走甄嬛毒酒吐血暴斃，亦有3.4萬人為佢「送終」，尋晚（15日）更一路飆近4.8萬，到2月15日止，統計總觀看數估算已達492萬，馬拉松線上觀看破紀錄，事隔13年都仲係咁受歡迎。

不過最精采反而係網友喺Live聊天室毒舌橫飛，當中最多人講，就係詛咒「黑心皇帝」陳建斌即將迎嚟去世劇情，留言狂講「哪時駕崩？」、「我等到晚上11點幫你上香」、「皇帝明年見」等，爆笑又口臭。