林襄正式離隊疑過檔「小龍女」　回顧昔日點滴罕吐心聲

台灣啦啦隊女神林襄自宣布退出「樂天女孩」後，網友都十分關心其去向。日前樂天桃猿球團宣布佢將於今年正式離隊，更透露佢會轉戰味全龍啦啦隊，成為「小龍女」一員。昨日（15日）林襄自離隊消息傳出後，首度更新社交網作出回應，分享咗一段影片，並寫下：「謝謝 @rakuten_girls 也謝謝不管在哪個階段默默支持我的你們」。

影片記錄咗佢由2021至2023年間嘅表演片段，喺場上勁歌熱舞，活力十足，又不時大派心心，冧爆現場粉絲。最後仲釋出唔少同隊友嘅合照，充滿回憶殺，唔少粉絲都表示睇到眼濕濕，好感動呀！