高海寧包到冚照搶「鋒」頭　蔡思貝晒旗袍Fit爆

TVB賽馬日今日（18日）於沙田馬場舉行，行政主席許濤、總經理曾志偉、蕭世和及逾30旗下藝人包括藝人包括高海寧（高Ling）、劉穎鏇、劉佩玥、朱晨麗、陳煒、蔡思貝、陳展鵬及羅子溢等傾巢而出，胡楓更以「財神Look」現身，場面相當熱鬧。

「咪神」高Ling身穿貼身連身裙到場，仍難掩其豐滿上圍，至於蔡思貝則穿着旗袍示人，盡展苗條身材。問高Ling衣着為何如此密實？她笑言：「新年以端莊行先嘛，呢條裙都好靚呀！」思貝笑言着旗袍希望大家可「旗開得勝」。問兩人是否有買馬碰運氣？高Ling表示過往都有少許「斬獲」：「今日試吓運，我覺得應該OK。（你台慶頒獎禮攞完獎，啲運延續到今年？）我寧願將啲運擺喺正財上。」

思貝的緋聞男友胡鴻鈞因攜帶加熱煙返港惹官非，思貝坦言知道此事，也有致電關心對方。覺得胡鴻鈞這次很大意？她說：「每個人都會犯錯，佢都同大家公開道歉，相信佢都上咗一課。」她又自爆之前試過為慳運費，而要求胡鴻鈞替她帶東西回港：「其實好多朋友都會咁做，可能一時間冇為意。（佢因為呢件事心情麻麻？）相信佢OK，知道自己做錯事，勇於承擔。（以後唔叫佢幫手？）係呀，我自己都唔好慳運費。」

談到龍年無綫新節目製作與展望，曾志偉表示希望繼續帶歡樂給觀眾：「呢兩年香港人嘅生活比較緊張嘛，希望大家一齊努力，香港一定好嘅。今年我哋會復辦《中華小姐》，嚟緊亦考慮開《中年好聲音3》，應該搞大灣區版，呢個節目唔淨只係一個音樂節目，更加係同大家分享人生故事，好有意義。」

而緊接《亞洲超星團》，無綫將推出《福祿壽訓練學院》：「好難得王祖藍返嚟幫手，我哋想訓練多啲新嘅喜劇演員。（你會亮相節目？）飛行嘉賓幫吓手，自己都做咗咁多年喜劇，同大家分享吓喜劇心得。（學完全部都係素人？）有素人亦都有喺TVB打滾好多年嘅同事，希望能夠培養多啲人才出嚟。」