陳法拉逆天素顏陪愛女砌雪人　一個母愛舉動被讚爆

藝人陳法拉依家積極於荷里活發展，婚姻生活亦非常美滿，佢同第二任丈夫Emmanuel Straschnov喺法國結婚，2021年誕下囡囡「小米妮」，一轉眼「小米妮」已經3歲，法拉對女兒愛護有加，從未畀佢個靚樣曝光。今次佢就上載同阿女雪地砌雪人嘅合照，估計啲相由老公操刀。

只見素顏嘅法拉努力堆砌，佢亦繼續用Emoji為「小米妮」遮樣，而囡囡就喺佢身邊不斷挖雪，即被網友大讚佢為阿女着想，未公開佢個樣，等佢可以喺冇明星媽媽嘅壓力下，健康咁成長。至於法拉個素顏，同被大讚未見老態，依然明艷照人，散發優雅氣質。