鄧小巧遊泰國病倒　自爆要結婚5年先影婚紗相

歌手鄧小巧今日（19日）到電台受訪，提到新年和外籍老公到泰國旅行，不過卻被老公傳染病倒，她指小病是福，而今個星期六（24日）便是元宵佳節，問小巧可會跟老公慶祝？她說：「我哋西式情人節都冇慶祝，我哋冇乜節日儀式感，平時對大家好，開心就夠，最多慶祝結婚周年，我同佢講話我哋結婚5周年先影婚紗相，我哋未影㗎，唔知到時仲係咪一齊嘛，10周年時就再更新多次結婚誓詞！」問到新年可有見好友鄭欣宜？她說：「冇見過佢呀，我病咗就唔係好想去拜年。（知道佢返咗加拿大拜祭媽咪？）冇問佢呀，新年難得可以休息吓，所以遲啲再搵佢。」

施匡翹（Zaina）亦有到電台受訪，提到新年亦和父母去台灣旅行，由於抵受不住美食引誘，故肥了返港，她笑言：「好彩啲褲只係窄咗，唔係着唔到。」Zaina因為玩得太開心，所以激發她想出埠拍MV，她說：「我好想呀，日本同法國都好想去，尤其幻想拍雪景。（拍寫真呢？）健康嘅寫真，或者有主題概念嘅寫真都可以，但性感寫真就唔好了！」