Ivy So認難超越長澤正美　望COLLAR集體拍恐怖片

女團COLLAR成員蘇雅琳(Ivy So)擔任ViuTV原創劇《飛黃騰達》的女主角，第二次拍劇的她笑言期待下次可以挑戰更多不同類型的劇集：「好期拍武打劇，吊威吔都好想嘗試下。因為自己唔係好怕痛，所以唔驚會受傷，反而會覺得好玩！」又指都想拍偶像劇，挑戰「學生 Look」：「想着下校服呀，拍下拖，拖下手仔個啲。相信fans都想睇到！」

Ivy So亦表示不少Fans推薦她飾演日本電視劇《求婚大作戰》中的女主角，她坦言：「長澤正美演技好好又靚，同埋經典好難超越，所以喺一個Mission Impossible嚟」。被問及如果COLLAR一齊拍劇會想嘗試甚麼題材，Ivy So笑言：「恐怖片幾好喎！Gao(沈貞巧) 最細膽，乜都驚，蟲同鬼都驚。」