梁諾妍晒大肚靚相　洪永城留言冧老婆

藝人洪永城（Tony）和太太梁諾妍（Inez）現時育有一名兩歲多女兒洪靖嵐（Amber），去年12月宣布Inez再懷第二胎，早前透露腹中胎兒是B女；而即將「卸貨」的Inez雖然腹大便便，但做開運動的她手腳依然十分纖瘦，完全沒有臃腫，引來不少網民盛讚。

前日（21日），Inez在社交平台分享多張靚相，她留言：「隨拍一下，孕35週，鬆身裙太舒服。最近天氣特別潮濕，仲要超多細菌病毒，大家都要小心啲呀，尤其是孕媽媽，抵抗力比一般人低，病咗冇咩藥可以食仲辛苦，大家都要身體健康。」重要的事情要講3次，但Inez足足寫了4次「小心」來叮囑其他懷孕媽媽。

而相中的Inez穿了一件白色鬆身連身裙襯波鞋，側身看雖然巨肚如籮，但手腳仍然纖幼，就連Tony亦忍不住留言冧太太：「Fit mama！」好友譚凱琪亦讚Inez：「隨意拍都咁靚嘅，加油！」有網民留言：「好有仙氣」、「好靚嘅孕婦」。