謝婷婷加拿大整頭髮被集郵　真實狀況曝光

型男謝霆鋒胞妹謝婷婷，自從誕下女兒後就鮮少亮相幕前，並長居加拿大溫哥華享受湊女樂趣。而日前，有網友就喺當地髮型屋遇見謝婷婷之餘，仲將合照分享到社交網，引嚟唔少網友好奇謝婷婷近況。

該名網友喺社交網分享道：「讓我看看這是哪位大明星過來搞頭髮了？哦！原來是謝霆鋒的妹妹，謝婷婷！有知道她是誰的嗎？」而相中嘅謝婷婷身穿黑色長袖上衣兼招牌長直髮，雖然略施脂粉，不過仍然可以睇得出佢皮膚嫩滑，保養得宜，狀態更係同未生之前一樣弗到爆！