鄧卓殷郭子豪晒懷舊婚照　拍攝場地原來勁有意思

前港姐亞軍鄧卓殷（Amber）早前趁情人節官宣下嫁藝人郭子豪，獲全城祝福。郭子豪郵輪求婚成功，輯相已經夠晒吸睛，今次佢哋晒出二人婚照，同樣係別具一格，佢哋去到中式糖水舖影pre-wedding，成個feel勁重懷舊港味，Amber就自爆原來拍攝場地係佢自己拍劇嘅第一個主景，又係郭子豪由細食到大嘅糖水舖，對二人嚟講都有特別意思。Amber着上白裙當婚紗，輕便又可以晒長腿，郭子豪就以藍色西裝上陣，佢哋互餵糖水，一時又孭住冧笑，被網友大讚夠晒襯。