梁云菲公開「粉鮑」後大歎冰火兩重天：真的很痛

台灣「國光女神」梁云菲平時晒身材當食生菜，早前佢就自爆做咗俗稱「一線鮑手術」嘅私處整形手術，依家佢嘅性感程度再次爆燈，狂sell 34D頂級身材，最近佢就去到日本北海道玩，除咗扮「雪地乳牛」引死人，佢仲嚟個絕頂「冰火兩重天」！

原來佢係挑戰喺雪地下，跳入野外水底拍攝，佢更以超高衩白色Deep V一件頭泳衣見人，一身打扮已經夠吸睛，就連佢自己都留言：「不容易呀」去形容自己，真係睇見到戥佢凍。到佢上水一刻更加似足意外現場咁，大家即時衝下前去遞毛巾，佢自己上到水後又狂大叫，表示「真的很痛」，又留言：「上來腳直接殘掉，痛之外一開始站不起來…」之後佢急急跳入暖水缸諗住令體溫回升，點知啲水又太熱，搞到佢差啲燙傷，仲自嘲太醜，成個挑戰的確係勇氣可嘉。