張兆輝億萬富豪身份曝光！揸開篷跑車上廣州兼有N個物業

藝人張兆輝，近年轉戰內地發展嘅佢，事業發展有聲有色，人氣更係高踞不下，有着「師奶殺手」嘅美名。而不時透過社交網同粉絲分享生活點滴嘅佢，日前亦分享自己中港兩邊走嘅片段，透露從香港揸車到內地非常方便：「第一次佛山開去廣州，你估下要多久？開篷老古董。」

而片段中，張兆輝身穿牛仔褸襯牛仔褲，頭戴Cap帽打扮新潮有型嘅佢，先係去停車場攞車，全程僅需40分鐘就抵達目的地，而佢嘅名牌開篷跑車，更引嚟唔少網友留言大讚佢有品味！

事實上，除咗片中呢部開篷跑車，張兆輝亦曾晒過其他百萬名車，同時佢同家人目前居住喺薄扶林地標豪宅貝沙灣二期一個逾千呎嘅高層單位，擁有無敵大海景，而該居處亦係佢2010年斥資2,236萬連車位買入，現時市價更係翻倍唔少之餘，除咗喺香港有物業，就連北京及英國都有置業，認真係圈中隱形億萬富豪。