譚耀文搣甩暖男形象做桿匪　手揸AK掃射勁滿足

藝人譚耀文（阿譚）早前拍攝內地動作電影《除暴安良》，今次他負責扮桿匪一角，兼要應付大量動作場面，當中更包括飆車追逐、重型槍戰及燒車等，毫不錫身的他殺青後周身傷痕，惟有「自拍留念」。該片將於3月初上映，戲迷可入場欣賞阿譚這次瞓身之作。

談到受傷，他笑說：「其實我一向都鍾意拍動作片嘅，覺得夠刺激而且每次都可以學習新嘅拍攝技術，滿足到做大男人感覺，亦同我真實生活反差夠大，我相當享受㗎。（有邊場戲比較難忘？）其中一幕我要拎住兩支AK拍攝一shot落大型槍戰，拍完覺得好有滿足感囉。」他又指今次其中一個外景地正是其鄉下台山，故亦有趁空餘時專程往著名觀光點碉樓打卡。