元宵有人歡喜有人…︱羅子溢享齊人之福　王浩信孤單食湯丸

早兩日係中國元宵節（24日），大家有咁甜就晒咁甜，當中視后楊茜堯同老公羅子溢就晒出一家四口全家福，見大女「小珍珠」及細仔Eden盡得父母真傳，眼仔睩睩又大又精靈，顏值爆晒燈，明顯幸福又美滿。

至於視帝王浩信早前就話西方情人節留喺家中陪「前世情人」阿女一齊過，又提起太太陳自瑤暗示二人關係唔錯，不過到咗元宵佳節，佢就似乎淨係自己一支公，晒出單手舉機自拍，背後玻璃反光仲被網友見到全屋冇人。