黃智雯唔夠10度拍落水戲 難忘米蘭被打荷包
2024年02月26日 16:02
東網電視
更多新聞短片
![](/hk/bkn/cnt/entertainment/20240226/photo/bkn-20240226160214217-0226_00862_001_01p.jpg?20240226185341)
藝人馬德鐘、黃智雯(Mandy)、張曦雯(Kelly)、羅天宇、鄭俊弘、杜燕歌及周志康等,今日(26曰)為無綫新劇《再見·枕邊人》宣傳,眾人於台上玩遊戲及派花予現場觀眾,吸引大批粉絲到場支持。Kelly於台上笑指對手馬德鐘「睇住我大」,入行後已多次合作,馬德鐘即大讚Kelly演技進步不少:「佢表現到角色好狂嘅一面,完全唔認得佢。」又讚另一拍檔Mandy非常專業:「同佢有場落水戲,當時天氣好凍,拍完佢竟然唔上水話等下一場,好佩服。」Mandy則透露拍攝期間氣溫不夠10度,加上不懂游泳的她要將頭浸入水中:「馬德鐘好好,佢教我點樣好安全咁慢慢將個頭浸落水。」
已離巢無綫的Mandy今次回來幫忙宣傳,她表示為演出花了不少心機做準備:「對上一次出劇都一年前,都好期待觀眾嘅反應。」談到劇中與Kelly為爭老公馬德鐘而出手互摑,她坦言拍攝前很緊張,因現實中未試過打人,以往拍劇也只是摑男士:「第一次打女人,又驚摑花個妝、又驚大力得滯打痛對方,所以事前同Kelly綵排咗好多次。」她指雖然拍攝順利,但因要就不同鏡位,故也拍了10多次:「拍完都有少少面腫,要敷冰消腫。」
剛去完米蘭時裝周的她,直言首次參與經歷難忘,現場氣氛很好,但自爆發生了小插曲,被扒手光顧,損失了裝滿利是的小袋子:「我同助手出去諗住街拍短片,當時玩緊自拍,突然覺得手袋好似郁咗一下,轉頭就發現啲利是唔見晒,好在個人冇受傷,啲證件都仲喺度。」 她指後來看自拍片回放,發現錄下了整個偷竊過程:「一個30、40歲嘅女人用條圍巾掩護,然後將手伸入我個袋,其實我太大意,出發前有好多親友都提醒我歐洲好多扒手,今次當買個教訓,損失咗4位數字。」她坦言仍有點陰影,亦打算將影片分享給身邊親友看,提醒大家小心。
至於首次為劇演反派和媽媽的Kelly,直言十分享受,更笑言希望大家追劇後會憎恨她,又指不覺得角色中是第三者,因是在Mandy失蹤後才跟馬德鐘一起,及照顧Mandy的兒子,故覺得突然回來的Mandy才是第三者。提到劇中與Mandy互摑,她表示現實中的她性格平靜,未試過打人,亦未試過爭男人:「有唔開心我係會自己對住幅牆爆喊嘅人,今次為咗拍攝效果好,事前同Mandy綵排好多次,都有叫佢唔好手軟,情願大大力好過NG。」
而馬德鐘透露劇中所有角色的行為都影響到故事發展:「每個人都有陰謀,你以為佢係正派,其實都可能係反派。」談到劇中周旋於兩女之間左右逢源,馬德鐘笑言好無辜及很辛苦,奉勸天下男士不要試:「成日要被人鬧,加上我都要應付動作戲都幾辛苦。」