《亞洲超星團》帶挈搵銀！丁子朗自認唔啱韓仔Look

藝人丁子朗（丁丁）今日（26日）出席慈善活動記者會，他透露稍後會到馬來西亞賺外快，問他是否受《亞洲超星團》帶挈而多了工作？他坦言：「確實係多人識，客戶係有睇《亞洲超星團》，但佢叫我唔好以超星團個妝同髮型出席，可能覺得唔係好啱品牌形象，今晚我要做Annual Dinner，對方又係咁講，我話嗰妝髮都只係舞台效果。」他稱有問網民意見，應保持這個形象還是轉新形象：「佢哋話我鍾意點就點，有人覺得我以前陽光男孩嘅形象好啲，依家嘅韓仔Look唔係咁適合我。」講到他在《超星團》三公舞台上的「少男Look」，他稱是節目加了濾鏡的效果：「內地節目好興加濾鏡，最初搞到我滴眼淚都磨走咗，我問可唔可以唔要濾鏡，最後幫我加咗個同其他人唔同嘅濾鏡，估唔個妝有咁大回響。」

丁丁雖然未能躋身總決賽，但他認為自己已有賺，並多謝公司給予機會嘗試，最不開心是不能繼續訓練，對於有傳賽果內定，他指整個節目好專業：「唔好用內定去扼殺選手嘅努力，咁樣好唔公平，佢哋係好好嘅表演者，我好欣賞佢哋嘅才藝。」