鄭裕玲Follow第四位藝人　原來撳錯掣當事人勁𤓓

藝人鄭裕玲活躍社交平台，但其帳號只追蹤了三位藝人，分別是王嘉爾（Jackson）、姜濤以及韓星任時完。因為她對追蹤人士有極高要求，即使藝人193多次開聲要求，都不得要領。

昨晚，人氣男子組合ERROR成員保錡，突然在社交平台分享了一條限時動態截圖，原來他獲得鄭裕玲追蹤他，連他自己亦坦言不敢相信，於是他問對方：「係唔係撳錯掣？」一小時後，保錡分享了鄭裕玲的回覆：「大家唔使驚，答咗我了，真係撳錯。」事件峰迴路轉，不少網民紛紛留言安慰。