《沙丘瀚戰》莉碧嘉受訪爆拍戲時被巨星鬧喊 網民估百份百係佢
2024年02月29日 11:01
東網電視
更多新聞短片
![](/hk/bkn/cnt/entertainment/20240229/photo/bkn-20240229110109878-0229_00862_001_01p.jpg?20240229162946)
瑞典女星莉碧嘉費格遜(Rebecca Ferguson)日前為新片《沙丘瀚戰:第二章》(Dune:Part Two)而接受網台節目訪問,在訪問中她自爆曾拍戲時被一名巨星拍檔當眾鬧到喊。
她表示:「我曾經同一個一級白癡拍過一部戲,係邊個唔重要。我嘗試唔開名。」她表示對方因她沒有演好一場戲而在片場鬧爆她:「呢個人喺整個團隊面前望住我講:『你咁樣叫做演員?呢個就係要我合作嘅人?究竟呢個係乜X嘢嚟?』但因為呢個人係一線明星,所以現場冇人撐我。我喊住離開拍攝現場。佢仲話:『你離開我片場。我就同網球(用電腦特技)做對手戲。我永遠都唔想見到你。」莉碧嘉指當時好驚但仍望住那位巨星回應:「你收X皮。」她於訪問中強調那位巨星不是合作過的湯告魯斯(Tom Cruise)或曉積文(Hugh Jackman),僅提示事件是在過去10至12年發生。
曾與她合作過的狄維莊遜(Dwayne Johnson)即時於社交網留言回應,並表示自己都好想知是誰鬧喊她。他說:「好憎見到呢啲情況但好愛見到為自己挺身而出。莉碧嘉係上天派嚟我哋片場畀我嘅守護天使。我愛呢個女人。我好樂意知係邊個所為。」
由於她曾與多位巨星合作過,訪問一出後一眾網民即大玩「猜猜我是誰」齊齊估是那位巨星所為,撇除以上3位巨星,大部分網民都認為莉碧嘉口中的巨星是英國男星曉格蘭特(Hugh Grant),2人於2016年的《走音天后》(Florence Foster Jenkins)中合作過,有網民指曉曾被女拍檔批評性格難頂,亦有網民表示:「我敢打賭一定係曉格蘭特,我睇過一啲報道指佢好串同難共事。甚至佢自己都講過佢啲女拍檔可能都好憎佢。」