陳曉華不知蔣家旻蜜運中：我真係脫節

藝人郭柏妍（Rosita）與陳曉華（Hera）晚上（29日）出席活動，二人均以一身鮮紅晚裝、配襯名貴首飾現身。穿上低胸晚裝、配戴40多粒珍珠項鏈的Rosita，笑言首飾重量及價值也相當重，又喜歡珍珠可以顯白：「因為自己膚色時黑時白，珍珠會容易襯。」

至於穿上露背裝、襯上紅寶石的Hera，透露本身很喜歡紅色，家中也有很多紅色衣物，有機會也希望能收藏更多珠寶，笑言港姐奪冠時的獎品便是其中一套，亦希望學習珠寶設計，設計自己喜愛的紅寶石。

Hera指自去年底完成《巾幗梟雄之懸崖》拍攝後休息了兩個月，稍後會為新劇開工：「舊年一直拍劇，當時覺得有兩日假都好，好想去旅行，結果到放假又冇行動，反而好想陪屋企人。」談到曾合作《美麗戰場》的好友蔣家旻認與圈外男友拍拖多時，Hera即反問記者對方是否已承認？當問她是否全不知情？她笑謂：「唔係，不過我呢兩個月真係脫節，係完全Offline，都係時候Pick up返，同大家聯絡、哈哈！」亦表示會祝賀對方。