楊梓菁宣布兒子英文名　首度公開正面照

藝人楊梓菁（Wiyona）去年8月秘密產子，榮升媽媽後生活低調，對兒子十分保護，昨日（1月29日）Wiyona終於在社交網甫出BB正面照，祝賀BB 6個月大，並公開BB英文名為「Jace」，相中母子坐在海邊看日落，戴了一頂黃色冷帽仔的Jace，臉珠脹卜卜，非常得意，Wiyona攬着Jace大大力鍚臉珠，畫面充滿愛。圈中藝人好友紛紛留言讚，蔣祖曼都大讚「真係好靚仔呀」，松岡李那亦讚「so cute」。

楊梓菁受訪時稱看到BB肥嘟嘟好開心，不過抱得耐會好攰，依家要戴定護腕作保護，覺得兒子樣子似少時的自己，因自細是男仔樣，現愛與兒子配襯母子裝，又直言想追女，覺得兩個小朋友可以互相扶持較好。提到工作方面，她透露：「同舊公司完咗約，想同其他電影公司合作，主力想拍電影，我都隨時Ready，另外上年又開咗首飾品牌，做自己鍾意嘅嘢。」