吳宗憲愛女Olivia正面照曝光　顏值出眾獲網民激讚

台灣綜藝天王吳宗憲同太太張葳葳育有4個仔女，大女兒吳姍儒（Sandy）、二女兒吳則含、三女兒Olivia同仔仔鹿希派。其中大女兒同仔仔一早就跟住爸爸嘅腳步踏入演藝圈，之前仲有消息指4月尾吳宗憲將帶埋仔仔到馬來西亞開騷，想要借自己嘅知名度為仔仔鋪路。而近日鮮有公開露面嘅三女Olivia喺社交網激罕晒出同爸爸嘅合照，似乎亦有意進軍娛樂圈！

Olivia透露自己陪爸爸吳宗憲出席活動，並分享當日嘅花絮照及同爸爸嘅自拍，只見佢穿着灰色緊身背心搭配牛仔褲，盡晒纖細手臂及凹凸有致嘅身材。其實姊姊吳姍儒之前就曾透露細妹係家中三姊妹中最靚女，就連爸爸吳宗憲亦表示認同，因此網友都相當好奇，今次激罕晒自拍，讓網友紛紛留言大讚，「爸爸的心肝寶貝」、「父女難得同框」、「好美」。