梁嘉琪自爆被前辈撩上酒店房　对方当时仲有女朋友！

艺人梁嘉琪离巢无綫后过档HOY TV做主持，又与森美、小仪合作主持电台节目《早霸王》，日前她大爆曾有圈中前辈撩上房，令全场哗然！她透露曾有事业低潮期，获一位热心前辈雪中送炭，更邀请她到饭局，当时她感彷徨，加上觉得对方帮到她解决问题，所以决定赴约，岂料前辈真面目即时现形，她忆述饭局后前辈接载她回家，但途中去了沙滩，之后再有所行动：“佢送咗条水晶颈链畀我，佢同我讲你而家有咩沮丧都好，你唔好放弃，望住呢条颈链...”森美听到已表示“过份咗”，但原来好戏在后头。

梁嘉琪续指前辈竟约她上酒店房：“我喺嗰面book咗间房，今晚我陪你，我陪你倾偈...”她即时醒水果断拒绝：“我同佢讲：‘我都好锺意你女朋友xxx’，因为我要畀佢知我知佢有女朋友，但佢就话‘哦，系呀’。”即随拿手袋急急脚离开，并礼貌婉拒：“多谢你今日陪伴，我冇事啦”。

不过听完故事，森美就指梁嘉琪畀错信号对方：“你畀晒绿灯行沙滩，你都‘神’嘅。”小仪亦认同此举或会令前辈误会，森美再笑言：“我觉得佢唔系睇中你美色，我对你评价好低，我唔相信。”但梁嘉琪就反击指若然知道“男主角”身份，大家会更难接受，似乎暗示该前辈是靓仔级数！