車婉婉自爆體重曾高達140磅　喪食薯片加芝士焗麵包

藝人車婉婉今日（3日）出席活動，鼓勵市民關注肥胖問題及積極控制體重，又於台上跟導師大耍八段錦，學習如何保持健康體魄。

身形纖瘦的婉婉受訪時，大爆自己也有重磅的時候：「喺美國讀大學嗰陣時，啲同屋密友全部都係中東朋友，佢哋食親飯要食好多個Course，我哋普通人家一餐隊完個肉餅飯咪算，佢哋又前菜又甜品，我樣樣揩啲都衝破體重數字啦！」她笑言除正餐外，亦受好友影響開始吃零食：「你知美國啲薯片幾大包，我日日食一包，又教我用啲麵包上面刨滿芝士攞去焗，塊包好似牆紙咁大塊。」她笑指當時最高體重飆升至140磅：「塊面光酥餅咁，腮骨都見唔到。」她又表示雖然現時亦有吃薯片習慣，不過會選擇非油炸及較為健康的薯片作零食。