謝金燕出戰《浪姐5》被嘲「冇人識」　零贅肉身材瞬間圈粉

台灣「電音女神」謝金燕出道逾30年嘅佢，舞台魅力絲毫未減嘅同時，現年49歲嘅佢仍然保養得宜，少女味濃。而隨着內地真人騷《乘風2024》第5季開始錄影，有份演出嘅謝金燕亦成為熱話，不過就被網友直指：「是在台灣很紅，在大陸就是沒有存在感的人物。」

而謝金燕工作室日前亦晒出首波宣傳相，並寫道：「卡卡的咚次咚次，跳針跳針，叫我姐姐！」以知名電音歌《姐姐》歌詞隆重介紹外，日前佢喺湖南長沙嘅機場相，以及喺酒店時着嘅白色Deep V上衣襯黑色大褸，亦憑凍齡靚樣震驚唔少網友，引嚟唔少網友感嘆道：「像吃了防腐劑」、「就這狀態和皮膚身材，不是一般人能行呀！」、「太絕了！」