龔嘉欣帶小朋友出遊　自爆已做「人母」

藝人龔嘉欣近年盛傳與日籍甜品師拍檔松岡哲也拍拖，但她一直拒絕認愛，亦曾表示恨結婚，自言喜愛小朋友，更向已為人母的好姊妹陳凱琳和譚凱琪拜師學藝，學習育兒知識。

前日龔嘉欣在社交平台晒出多張與小朋友到主題樂園的合照，留言說：「其實我都係人哋阿媽嚟㗎！」嚇得一眾網友以為她秘密結婚生B，但她隨後補充道:「不過係契媽，終於放假啦！契仔契女講咗好耐要去迪士尼，朝早已經孭住個背囊話要出發。今次同佢哋玩足全日，自己都趁機打吓卡，實在太多靚位，佢哋見到自己鍾意嘅卡通人物，真係雙眼發晒光啊！見到佢哋真係好開心，明明已經好眼瞓都堅持，因為佢哋真係好鍾意迪士尼。」雖然相中的不是嘉欣真正的兒女，但她與兩位孩子的笑容相當燦爛，嘉欣更抱起小女孩，眼神中透露着濃厚的母愛，引得一眾網友紛紛留言催促她「生返個啦!」