古天樂做會長盡心盡力　被爆搞演藝人老人院

香港演藝人協會今日（7日）舉行春茗茶敍，包括會長古天樂、副會長余安安、錢嘉樂及一眾新任理事會成員張繼聰、周家怡、岑珈其等出席。會長古天樂驚喜現身頒獎，周驄在他手上接過「傑出演藝大獎」：「我特別欣賞古天樂先生，我擦鞋擦咗幾十年，我估古天樂先生心裏有個願望，係搞演藝人協會轄下老人院。」古天樂被問到是否如周驄所言有願望搞老人院？他表示：「我都估唔到，因為係非常複雜，我盡力啦。」

首次參加的張繼聰表示：「希望可以跟前輩學多啲嘢，嚟緊慢慢再了解吓，繼續幫前輩會員之餘，又可以為後生會員提供輔助同聯繫，希望將演藝人歸納多啲類別，令演藝界更團結。」擔任司庫的周家怡，笑言自己計數不精：「搵個最唔叻數學嘅人做司庫，可能信得我過，好彩有會計幫手。」岑珈其則希望為演藝人協會多搞聚會，吸納年輕藝人入會。