黎諾懿身教大仔「小春雞」：用生命影響生命！

藝人黎諾懿今日（9日）出席義工活動，2022獲傑出義工的他擔任「行義主持」，連同3位義工獎得主，以自身故事分享做義工經歷，他分享時表示，參與義務工作可以得到莫大的滿足感：「受助者的每一個笑容都是一種鼓勵。」

他受訪時表示希望能以身作則，鼓勵大家做義工，指義工來自不同界別，年齡層也可以很闊，他分享了自己做義工時的深刻經歷：「早排同小恩子（黎瑞恩）帶住班小朋友去大嶼山坐纜車，其中一個小妹妹全程都攬住我哋工嘅義工，走嗰陣又喊住話唔捨得你，好想同你一齊玩。」他坦言每次見到她們如此感動、感觸，便會成為動力，鼓勵他們去做得更多：「想用多啲時間陪佢哋，因為可能佢哋屋企嘅經濟、單親問題，父母要出去返工，冇時間陪佢哋玩。」他表示平日也會帶同大仔「小春雞」一起做義工活動，不過笑言每次囝囝去到便會自己「玩埋一份」：「佢得6歲我唔會怪佢，不過都希望佢參與，睇到爸爸平日點樣去幫人，用生命影響生命，等佢大個識得點幫助社會上有需要嘅人。」