黃品源晒新婚妻彈鋼琴MV　低調宣布北京完婚

現年55歲嘅台灣情歌王子黃品源，日前宣布同俄籍鋼琴家Alina再婚，並晒出唯美婚紗相高調宣布：「我遇到了想要一起走下去的人。」而喺8日則低調透露於北京完成婚禮。

揀喺3月8日婦女節結婚嘅黃品源，無預警宣布同老婆Alina喺北京完成婚禮，雖然未有晒出婚宴現場相，但就分享咗段Alina彈鋼琴嘅MV道：「再次感謝來自各地的美好祝福，無限感恩！」有着2段婚姻嘅佢，1995年同前女團「Apple Pie」成員蜜兒結婚，並誕下一對兒女，直到2013年宣布離婚。