NONO暴瘦20公斤匿寺廟　20受害女性律師費曝光

台灣搞笑藝人NONO（陳宣裕）去年7月遭網紅「小紅老師」控告性侵，及後連同小紅老師等20多位受害人提告涉性侵，NONO終被控性侵、猥褻10名女子。日前有人喺台灣寺廟發現NONO身影，現身屏東一間寺廟懺悔，佢仲暴瘦20公斤，又指NONO平時對於廟會活動都好熱衷，今次匿寺廟唔知會否得到神庇佑。

而一位台灣網紅就資助約20名受害女性今次事件嘅律師費，佢指官司到目前為止律師費用已經支付咗1百多萬新台幣（約24萬港元），更表示會繼續打官司落去。