方皓玟認多人追 預告閃婚不要驚訝

2024年03月11日 19:01
東網電視
更多新聞短片
和日籍丈夫離婚2年多的歌手方皓玟(小明)今天(11號)舉行歌迷聚會,穿上腰間開窿的西裝褸,除騷出23吋纖腰外,還隱約透bra邊,相當性感,她說:「咁耐冇同Fans聚會,梗係要畀啲嘢佢哋睇啦,不經不覺我出道咗25年,啲骨膠原隨時日開始流失,但我仲有少女心嘅,所以一陣會唱番啲少女時代嘅歌,都係挑戰嚟嘅。」
問到她心情靚爆是否有追求者,她大方承認一向有人追:「仲有幾個,都幾好嘅,依家觀察梗,但都好啱傾,大家都係目標一致為事業衝刺,我5月生日,唔知佢有冇誠意嘅表現
呢?(如果對方求婚呢?)我有鋪閃婚癮,所以如果我宣布閃婚,大家唔好驚訝,睇吓佢送嘅戒指幾卡再諗啦,(對方是圈中人?)圈外生意人,細過我嘅,(外籍人士?)以前細個崇洋啫,但瀨過嘢(指離婚)後,唔鍾意外國人囉,佢係香港人,我就唔係好睇樣,但對方都唔差嘅。」又指囝囝接受媽媽的一切,只要她喜歡就可以。
除大行桃花運外,小明亦謂大行事業運,指將推出和男歌手合唱的新歌,但大賣關子說:「佢一定會令大家驚喜嘅,連我自己都驚喜,諗唔到佢肯合唱,(係邊個?)佢呢排都有騷身材嘅,(係咪MIRROR成員?)唔好再估啦,我唔識講大話。」但她又問其一身打扮是否似Anson Lo還笑話可跳對方舞步,未知是漏口風,還是故弄玄虛。