星玄｜雙子座陳卓賢爆今年開個唱　題材豐富靈感爆棚

今日係3月12日農曆二月初三，最強幸運星係雙子座，各方面運勢都唔錯，可望迎嚟愉快嘅一日。MIRROR成員陳卓賢（Ian），早排就推出今年首支歌曲，之後出席電台訪問，期間就大爆今年將會舉行個人演唱會，唔少歌迷聽到之後，都忍唔住狂問幾時舉行。

訪問過後，Ian同電台門外守候嘅歌迷簽名合照，當中有歌迷送咗本同動物有關嘅書畀佢，其後喺社交網發問：「究竟送呢本書畀我，係想我嚟緊嘅歌寫乜」Ian你各方面運勢都唔錯，寫咩歌都會大把人聽啦。

至於最旺嘅生肖係羊，有貴人力撐，唔好錯過展現才華嘅時機。羊女鄧紫棋（G.E.M.）舊年喺內地舉行巡唱，上個月難得返香港，擔任美斯訪港球賽嘅壓軸表演嘉賓，仲成功拎到型男碧咸嘅簽名同合照，G.E.M.亦有把握展現才華時機，喺會場內唱出西班牙文歌，有鏡頭影到碧咸全程投入咁去聽，莫非經過今次表演之後，G.E.M.有機會跟碧咸搵食。