霍建華相隔10幾年台灣拍劇　劉若英執導搵影后加持

台灣男神霍建華已十幾年未有喺台灣拍劇，僅2年前客串老婆林心如監製嘅熱播劇《華燈初上》，而疫情期間佢亦將重心放於家庭，林心如就講過疫情爆發時，霍建華每日接送阿女返放學，專心陪囡囡，因此佢事業亦停擺。不過隨疫情過去，霍建華似乎都再次出山，繼同劉亦菲合作演出《玫瑰故事》，之後又演出日劇《熟男不結婚》改編嘅《他為什麼依然單身》，男神再次「上市」。

成圈中搶手貨嘅佢，日前現身台北市復興北路，據悉佢係到該地取景，拍攝由台灣女神劉若英執導，以長照（指提供長期無法自理的病患，各式各樣醫療與非醫療的服務，可在家中、社區、照護之家或是長照中心等地點執行）為主題嘅影集《忘了我記得》，仲同金鐘、金馬雙料影后謝盈萱拍檔，成為佢十幾年首套台灣擔正拍攝劇集，風頭隨時蓋過老婆林心如。