陳煒減15磅回春加價大開中門　姚子羚賣口乖搵贊助

藝人陳煒昨日出席美容代言人簽約儀式，圈中好友陳曉華、姚子羚及譚俊彥等現身支持，場面熱鬧。身穿透視裙的陳煒，中門大開露出事業線兼晒玉腿，性感誘人。

陳煒老公陳國強亦有份投資美容店，身為老闆娘的她，笑言今次酬勞比平時收得更高：「因為我私下做咗好多嘢，又要出席好多活動，為咗我先生會做多啲，同埋個樣行出嚟係代表公司，所以要更悉心保養自己。（責任重大？）咁老公賺咗錢都要畀我使。」

新造型顯少女味

陳煒坦言婚後疏於Keep Fit，今次只用了個多月就成功減掉15磅：「今次改造自己個造型好有新鮮感、有少女味，比人回春嘅感覺。（接受微調？）依家都好流行用短時間有最好效果，個人靚咗自信大咗，就會加倍開心。」至於陳曉華和姚子羚為了獲老闆娘贊助變靚，不約而同狂讚陳煒，希望變得像對方一樣又靚又高貴。