星玄｜射手女李佳芯狀態大勇　孖譚俊彥黃庭鋒開心拍劇

今日係3月15日農曆二月初六，幸運星係射手座，獲好運加持，按自己想法行事，得心應手。視后李佳芯（Ali）就係射手座，早前放風指即將約滿無綫嘅佢，已兩年幾沒拍劇，不過佢將會同視帝譚俊彥（Shaun）合作無綫喜劇《麻雀樂團》，做對歡喜冤家，二人仲係首次合作，定必擦出新火花。

日前，有份參與劇集拍攝嘅黃庭鋒，喺社交網大晒一眾演員開工前嘅合照，睇到劇集陣容強勁，除咗有李佳芯同譚俊彥外，仲有郭柏妍、謝東閔等，李佳芯笑容滿面，狀態十足，睇嚟已完全準備好投入角色。

至於是日最旺嘅生肖係雞，財運佳，切記機會不等人，要好好把握。屬雞嘅「爆炸頭」曾比特（Mike），自舊年多次參與內地嘅綜藝節目後，人氣急升密密搵真銀，之後又首次接拍電影，仲同天王郭富城有對手戲。而喺今年初，佢就獲王家衛導演欽點獻唱內地劇集《繁花》嘅插曲《再回首》，簡直就係開咗個靚頭。