王心凌泉州开骚做啦啦队热舞　逆龄状态被问“贵庚”

台湾“甜心教主”王心凌出道逾20年嘅佢，早前凭《乘风破浪的姐姐》第三季成功翻Hit，事业再创高峰嘅佢，日前喺内地泉州开骚时，竟然化身啦啦队成员劲歌热舞，完美演出更引嚟唔少网友质疑年龄：“随底多大？”

王心凌《SUGAR HIGH 世界巡回演唱会》9日喺内地泉州开骚，并喺演唱主演偶像剧《微笑PASTA》主题曲《彩虹的微笑》时，换上一套粉红色啦啦队套装，上身露肩嘅设计令佢整体望落性感得嚟又可爱，短版剪裁亦尽骚佢纤纤小蛮腰，下身嘅百褶短裙，更系大晒白滑美腿，少女味浓！而日前，亦有粉丝将王心凌劲歌热舞嘅片段Po上网，并问道：“王心凌到底多大？以前我还是小孩，她还是那么年轻；现在我老了，她还是更年轻漂亮。”

事实上，现年41岁嘅王心凌，平时唔止注重外在保养，就连饮食都相当养生；并曾透露过自己长年唔食冻嘢，就连夏天都坚持剩系饮暖水，加上勤做有氧运动、重训等方式增加新陈代谢，唔怪得佢冻龄靓样Keep得咁好！