有前輩帶住壯膽　范麒智做綜藝邊學邊玩

藝人范麒智（Kenji）和歌手歸綽嶢(Nancy)昨晚（15日）出席時裝活動，提到3月14日白色情人節，Kenji表示有份主持的綜藝節目《腦霧研究所》最後一日拍攝，在工作中度過，他表示：「疫情有唔少人中招後有腦霧後遺症，希望畀觀眾多啲動腦筋，今次同沈殷怡合作，佢主持經驗豐富，係前輩，教曉我好多方法，好彩有佢帶住，大家合作有啲化學作用，（本身記憶力都好？）讀書只係普普通通，唔特別優秀，今次節目好多遊戲，考吓短時間內記憶，好好玩。」

Nancyｙ就直認跟「情人」度過，視愛犬為情人，當日帶着狗仔散步，從狗狗身上學會愛和被愛。今年於《2023年度叱咤樂壇流行榜頒獎典禮》擇下叱咤生力軍女歌手銀獎後，未敢鬆懈，已計劃好明年出歌的時間表，除了情歌，也想多試其他曲風，也恨做綜藝節目。兩位後生仔女，平日衣着打扮行隨意風，Kenji直言最肯使錢買衣服和飲食，Nancy太鍾意吃，笑言：「鍾意試不同餐廳，如果試過好好食，會成個星期幫襯同一間，真係要注意吓！」