「細龍太」陳思圻騷胸撐枱腳　「新歡」竟然係呢位…

「細龍太」陳思圻（原名陳偉琪）因有份參演無綫處境劇《愛．回家之開心速遞》成功入屋，雖然喺2021年宣布離巢，但仍不時喺社交網晒出同「細龍生」鄭世豪嘅合照，勾起唔少觀眾回憶。而日前（15日），陳思圻亦喺社交網晒出「咬唇」性感相高調放閃道：「我真幸福！」

「細龍太」陳思圻尋日喺社交網高調放閃，晒出多張「撐枱腳」食飯相外，真空上陣嘅佢唔止大騷飽滿上圍，白滑美背同樣誘人，而「細龍太」亦擺出咬下唇嘅性感Pose道：「同我最愛的情人過白色情人節。我真幸福！珍惜！和我永遠的number one約會的浪漫晚餐！」並附上多個心心、錫錫嘅Emoji，仲以為陳思圻要公告「新戀情」，原來佢口中嘅「number one」係爸爸。