陳意涵5歲仔竟然仲有胎內記憶 自爆未出世已經識細妹
2024年03月17日 16:01
東網電視
更多新聞短片
![](/hk/bkn/cnt/entertainment/20240317/photo/bkn-20240317160131893-0317_00862_001_01p.jpg?20240317160131)
台灣女星陳意涵2018年同導演許富翔結婚,婚後育有5歲囝囝「丹丹」及3歲囡囡「彤彤」嘅佢,亦不時透過社交網同粉絲分享生活點滴,而喺尋日(16日)佢更晒出仔仔囡囡嘅可愛相之餘,仲透露囝囝竟然有胎內記憶!
陳意涵喺社交網分享囝囝突然好感性咁問佢:「如果我不在了,下一次來還可以當你的小孩嗎?」面對囝囝嘅提問,陳意涵答應嘅同時亦提醒囝囝要記得媽咪嘅樣,點知囝囝竟然答道:「不然你絡我一張照片好了~我放在身上就不會忘記了!」令陳意涵忍唔住奇怪:「媽媽是長的很模糊嗎?」之後,陳意涵亦提到囝囝有次同佢講,其實喺媽咪肚入面就已經識細妹彤彤,令陳意涵疑惑道:「5歲了還會有胎內記憶嗎?」並追問囝囝:「那你們怎麼決定誰要先出來的呀?」囝囝則解釋道:「彤彤說她要去上廁所,然後我就先走了呀!」令陳意涵忍唔住笑道:「原來上廁所會耽誤這麼重要的事!」囝囝可愛嘅童言童語,亦引嚟唔少網友留言道:「所以原本媽媽可以直接兩個一起生的。」、「上個廁所變成讓媽媽辛苦兩次」外,更有網友分享自己經歷道: 「我兒子7歲了,前幾天還非常認真說着胎內記憶的事情」、「5歲還有胎內記憶哦!我兒子就是。」