張馨月衣着被批老土　霸氣反擊：不喜歡就不看

藝人林峯太太張馨月最近成為網民攻擊對象，每次於社交平台發文都被酸民惡轟，日前張馨月大晒5個唔同造型嘅相，留言：「隨性 #取悅自己 #隨便發發」不過就慘被網民嘲老土娘味濃！

有網民就覺得佢結婚之後，應該要顧及老公面子，平時要着得好啲，仲好心提議佢可以去搵造型師學點着衫先有好睇，希望佢可以搵到自己合適嘅衣着風格，不過佢就聽唔入耳，堅持己見霸氣回應：「喜歡多看看，不喜歡就不看，也不會影響任何人的生活，至於我老公，生活裏他是我的另一半，工作中他是影迷歌迷的，私下我倆只想舒舒服服的。」