視后鄧萃雯秘生2子經手人曝光？前無綫主播躺着中槍

網上經常流傳假消息，近日有傳單身嘅視后鄧萃雯旱已生咗2個兒子，又被指兒子生父曝光，而佢就一直懶理，冇特別去澄清，點知突然今日（17日）有位前新聞主播鄭萃雯對此作出回應，惹起網民熱議！

由於大家個名都係叫「萃雯」，鄭萃雯原來成日都被認錯做鄧萃雯，喺呢次發放鄧萃雯「假消息」嘅文章中，竟然寫上「58歲」、「鄭萃雯」兼有兩個兒子，難怪令鄭萃雯都有誤會，留言：「大家覺得我應該點做好？#在線等」隨即引來唔少網民喺留言區上討論，有網友搞話：「原來你先係九姑娘，失覺晒！」鄭萃雯就回覆話：「好敏感㗎嘛！因為唔係我囉！」