AL返港半百「神徒」接機　巡演僅畀自己65分？

男團MIRROR早前完成了兩場英國演唱會後，成員兵分幾路各有行程，其中李駿傑（Jeremy）、邱士縉（Stanley）、陳瑞輝（Frankie）及邱傲然（Tiger）日前率先返港，陳卓賢（lan）與媽媽於當地遊覽數天後亦於昨天回港，至於人氣王盧瀚霆（Anson Lo）則於今早（19日）由巴黎返港，獲半百「神徒」（粉絲暱稱）冒雨一早到機場接機。

約7時15分，Anson Lo由機場貴賓室步出，現場神徒隨即歡呼尖叫，他先停步與神徒揮手打招呼及給傳媒拍照，他表示到巴黎主要為新歌拍攝MV，亦有順道遊覽購物：「拍咗30幾個鐘。（返嚟要即刻開工？）可以返屋企梳洗吓、休息一陣先。」他笑言回程時因太累需要休息，未有時間像去程般吃足6個飛機餐。

談到今次巡迴演出，他表示相當高興：「好開心，第一次海外表演係格外興奮。（畀幾多分？）我諗都65分嘅！隊長有講過話60分，我覺得可以畀多大家5分，因為比想像中順利，同埋大家見到未見過嘅Fans，佢哋好熱情，嗰份開心令到我覺得更加高分。」