張學友踢走新冠愈唱愈勇　開台灣場搞寵粉新招

歌神張學友本月初因確診新冠肺炎，取消三場上海演出，靜養一周後，重返上海東方體育館中心開騷，狀態大勇。估唔到今次因病短休嘅佢，完全不被打敗，早前已傳過佢會赴台開騷，今日（20日）即宣布學友將第5度登上台北小巨蛋舉辦個人演唱會，正式官宣將於5月尾開始連續兩個周末共開6場，更係佢繼2017年世界巡迴演唱會後再度赴台開唱。

今次全新巡演將以芭蕾、管弦樂與流行音樂元素結合貫穿，為拉近同觀眾之間距離，佢特別會喺演出期間發起友愛信箱活動，每個演出日當日會喺小巨蛋外設攤，畀歌迷朋友寫信投進信箱，再將信件收集轉交畀學友本人，認真寵粉。