杜德偉望入行40周年入紅館　自爆日日「開騷」

歌手杜德偉（Alex）應邀出席慈善活動，再踏上香港舞台大方自揭年齡跟觀眾打成一片，演唱中途又發揮幽默本色，笑言有機會跟自己母校師弟們敍舊：「聽講今日有好多我母校聖保羅書院的師弟到場，就算有好多師弟，年紀相差應該好遠，我1978年畢業，應該好多才90後畢業吧，時間過得好快，人生好快，一轉眼由20幾歲，好奇怪就已經到60歲。」

Alex接受訪問時就表示：「其實今次係第一次嚟到戲曲中心表演唱歌，感覺好新鮮，今次難得有呢個緣分出席慈善活動，既然機會去到我面前，我一定會參與，全力以赴!」Alex過去一年走到新加坡、上海等內地城市舉行巡唱，下一站就會是5月到台北小巨蛋，香港歌迷都敲碗想問Alex何時回歸主場開騷，他就開玩笑說到：「其實我日日都喺香港開演唱會，自己屋企沖涼嘅時候，我就會開一場，哈哈。其實我係好希望能夠喺紅館開，明年就是入行40周年，香港係我事業生命嘅開始，所以希望明年能夠喺香港紅館攞到期，作為我40周年的世界巡迴演唱會第一站。」