「滑雪女神」谷愛凌20歲就跌Watt　生圖曝光成個大嬸

有「滑雪女神」之稱嘅內地滑雪運動員谷愛凌，早前受邀出席巴黎時裝周嘅佢，日前亦喺社交網晒出多張喺現場影嘅花絮靚相外，向來錫粉絲嘅佢亦加碼晒出喺酒店影嘅靚相，只見着上西裝條紋襯透紗長裙嘅佢，整體望落身形修長又Fashion外，其中剩係着浴袍嘅相，更係盡騷香肩鎖骨及飽滿上圍，瞬間冧暈唔少粉絲。

不過事實上今年年僅20歲嘅谷愛凌，驟眼望落打扮就過於成熟，引嚟唔少網友留言問道：「這套認真嗎？」、「服裝太顯老了，可以給她符合年紀的款式嗎？」更有網友晒出現場原圖，不過似乎角度問題，唔止顯得谷愛凌身形比例變成五五身，就連臉部都圓潤咗唔少，引嚟唔少網友留言問道：「死亡視角怎變大嬸…」、「這人會不會拍，美女不可能變這樣！」、「能拍成這樣也是絕了，怎麼可以把女神拍成這樣？」、「原圖有落差！」