石修聽力受損只剩6成　戴助聽器忍痛放棄音樂夢

「不老男神」石修前年榮升爺爺，不過近日佢就透露於兩年前登台演出時，意外發現自己聽嘢唔清楚，經醫生判斷發現其聽力只剩六成。石修指聽覺受損嘅原因，係關佢經常聽音樂、打鼓、吹色士風時用耳機有關，幸好經過治療後，加上助聽器幫助，石修聽力已有所改善，工作亦未受太大影響。但為免情況惡化，石修已放棄再打鼓，吹色士風時則戴上耳塞。

本身石修都係養生達人，非常注重健康，本身不煙不酒，每日都會做運動，例如急步行、舉啞鈴及做掌上壓。至於飲食就食得清淡，暫時佢除聽覺出現問題外，其他各方面都非常健康。