陳法拉自爆曾被王家衛睇中　差少少成《繁花》一員

女星陳法拉最近宣布秘密產子，同大女湊成好字，已為兩個小朋友之母嘅佢，早前決心闖荷里活，最近佢為有份出演嘅荷里活電影《哥斯拉×金剛：新帝國》宣傳，影壇地位再次升呢。佢被問到最近有看咩國內影視作品時，佢二話不說話有睇名導演王家衛執導、以上海作為背景嘅內地劇集《繁花》，原因係佢想睇胡歌關係，所以想睇。佢續原來當時王家衛曾同佢有過接觸，但因為當時自己正讀緊書，加上自問上海話講得唔好，所以佢就冇接拍該劇。

雖然未能成為《繁花》一員，但佢依然對劇集好好奇，佢好奇王大導首執電視劇會拍成咩樣，睇完又激讚王大導拍得非常唔錯，好有新意，揚言喺國際上係可以被大家接受嘅，賣晒口乖。